الحاجة الوحيدة اللي تفرق شخص عن شخص في نجاحه.. هي الاستمرار
هنقابل يأس وفشل، لكن اللي بيقوي شخصيتنا هو قرارنا اننا منفقدش الأمل ونكمل، ونثق في ربنا انه هيكرمنا ومش بيضيع تعبنا.
ومن هنا قصة صاحبنا “ب.ص”صانع الأمل، بيحكي لنا عن تجربته، وازاى مفقدش الامل وربنا كرمه ازاي:
“انا كنت عايز اشتغل حرفة وابقي شاطر فيها بس مكنتش عارف ايه الحرفة اللي هتنفع معايا، وكمان كنت عايز مكان ثقة اقدر اتعلم فيه
دوّرت شوية بس ملقيتش، فـ بدأت مع نفسي لكن لقيت اني محتاج حد يساعدني، ومكنتش متشجع اني ادور تاني لكن قلت اعمل اللي عليا واكيد ربنا هيكرمني
وفعلا دوّرت ولقيت مؤسسة قيثارة داود للتنمية بتقدم تدريب صيانة الموبايل
قدّمت وحضرت التدريب وكان حلو ومليان معلومات بنطبقها عملي، وانا استفدت جدا، والحمدلله خلصت التدريب وحاليا بشتغل اهو وقدام شوية عايز افتح محل صيانة موبايل”
وعشان كده بنركز مجهوداتنا كمؤسسة هدفها تمكين الفرد أن برامجنا تخدم جميع أفراد الأسرة في النواحي التنموية والتعليمية المختلفة في جميع الأعمار، زي برنامج “أبطال الغد” لسن ابتدائى، وبرنامج “أشبال لكن أبطال” لسن اعدادى، برنامج “الحساب الذهني”، برنامج “بكره احسن”، برنامج ” طريق النجاح والتميز”، برنامج “حياة جديدة”، برنامج “حلمك مشروعك” وبرنامج “ابدأ مشروعك”.